viva capoeira - Шинэ бичлэгүүд

Капоэйран багш хүүрнэж байна. Мэстри Нэнэл

Sat, 21 Nov 2009 20:09:26 +0800

Мэстри Нэнэл |Mestre Nenel : Manoel Nascimento Machado| дүү болон хэсэг багш |мэстри| нарын хамтаар, эцэг Бимбан бий болгосон Хэжёнал стилийг чадах чинээгээр цэвэр авч үлдэн, цааш дэлгэрүүлэхээр ажиллаж байгаа билээ.

Сур: Анх Капоэйрад хэрхэн хөл тавьсан бэ?

Нэнэл: Хөлд орохдоо л капоэйран сургуульд орсон байлаа. 1966 онд хичээллэж эхэлсэн. 67 онд 6 настайдаа формадо |Мэстри Бимбан жинхэнэ шавийг формадо гэх ба хэд хэдэн тусгай шалгалт өгч тэнцсэн тохиолдолд энэ эрхэм гуншинг авдаг| болсон.

Үүний дараа Нордэсчи Дэ Амаралинад |газрын нэр| болдог капоэйран шоу, энд тэнд зохиогддог үзүүлэх тоглолтонд оролцох болсон. Тэр үеэс эхлэн гэрийн ажилд оролцох, капоэйран хөгжмийн зэмсэг хийх зэргээр аавдаа тусладаг байсан.

1973 онд Goias руу |Гоиас-газрын нэр| нүүгээд удаагүй байхад аавийн бие муудаж, ах бид 2 сургуулиа үргэлжлүүлэн авч явахаас өөр аргагүй болсон. Ингээд 74 оны 2 сарын 5-нд аав маань бурхан болсон. Аав, өөрт нь ямар нэгэн зүйл тохиолдвол, намайг асарч байхыг хүргэн ахаас гуйсан байсан. Ингээд би хүргэн ах, эгч, охиных нь хамт Бразилд |хотын нэр| амьдрахаар болж, тэнд анхныхаа сургуулийг нээсэн. 77 онд Салвадорт буцаад очсон байхдаа, үе үе ямар нэгэн арга хэмжээ, зарим тэмцээнд оролцохоос хэтрэхгүй байлаа.

84 онд аавын шавь байсан мэстри Мойза-гаас, сургуульдаа хичээл заалгуулах урилга авсанаар, капоэйрад эргэн ирж, идвэхтэй үйл ажиллагаа явуулж эхэлсэн.

86 онд одоогийн групп болох “Associacao de Capoeira filhos de Bimba” байгуулж, явцын дунд “Filhos de Bimba Escola de capoeira” болгон өөрчилж, одоо “Мэстри Бинбан” сан болон “Капоэйра” төсөлийн төлөөлөл болон ажиллаж байна.

Сур: Өнөө үед байдал ямаршуухан байна даа?

Нэнэл: Эцгийн “бий болгосон” бүхнийг, тэр л хэвээр нь түгээн дэлгэрүүлэхийг чадах чинээгээрээ хичээж, бодож байна. Хилийн чанадад капоэйран дуу болон хөгжмийн зэмсэг хэрхэн хийх талаарх сургалт явуулахын хамт эцгийн үзэл санааг |философи| дэлгэрүүлэхээр эрмэлзэж байна.

Сур: Мэстри Бинбан бий болгосон хэжёнал, одоо үеийн хэжёналыг харьцуулан үзээд юу хэлэхсэн бол?

Нэнэл: Бинбан хэжёналыг, орчин үеийн хэжёналтай харьцуулах гэдэг нь утгагүй яриа. Яагаад гэвэл Хэжёнал гэдэг бол аавын “бий болгосон” тэр л “зүйл” юм.

Сур: Өөрөөр хэлбэл зарим капоэйрист өөрийн нээсэн “зүйл” –ээ, Бинбан капоэйрад байсан мэтээр холбож яриад байх шиг санагддаг. Энэ талаар юу гэж бодогддог вэ?

Нэнэл: Өдийг хүртэл “нээлт” гэж хэлэгдэхээр зүйл хараагүй л байна.

үргэлжлэл бий.

Мэстрэ Бинбан сургууль дахь журам

Sat, 07 Nov 2009 13:38:13 +0800

Бимбан байгуулсан сургуулийн ханад дараах “зүйл” өлгөөтэй байдаг байжээ. Энэ нь Хэжёнал стилийг нэр хүндийг өргөх, капоэйра урлагаар хичээлэлсэнээр биеэ чийрэгжүүлэхээс гадна ёс суртахууныг дээшлүүлэхэд эрмэлзсэн нь өнөөгийн сурган хүмүүжүүлэх ухаанд байдаг нийтлэг дүрэм билээ.

1. Тамхи бүү тат. Бэлтгэлийн үеэр тамхи татахыг хориглоно.

2. Архи бүү уу. Архи булчингийн үйл ажиллагааг сааруулана.

3. Капоэйран эрдэм мэдлэгийг гадуур бүү дэлгэрүүл. Гэнэтийн довтолгоон бол гайхалтай зэвсэг болдог.

4. Бэлтгэлийн үеэр хий дэмий яриаг тэвч. Бусдад бүү саад хий.

5. Жинга хөдөлгөөнийг улам олон удаа давт.

6. Үндсэн хөдөлгөөн, алхалт, мэх зэргийг өдөр бүр давт.

7. Сүүлдэж орсон дүү нартаа ялагдсандаа уурлах хэрэггүй.

8. Бие амрааж, булчингаа сулал.

9. Гадаа шившигээ хутгасанаас, бэлтгэлийн үеэр шившиг болсон нь дээр.

Тахир дутуу ч, жинхэнэ капоэйрист

Sat, 07 Nov 2009 13:20:43 +0800

Дэндүү бяцхан капоэйрист

Thu, 29 Oct 2009 21:07:52 +0800

Капоэйра love

Sat, 24 Oct 2009 11:51:02 +0800

Капоэйра урлаг рекламанд 3

Sat, 24 Oct 2009 11:38:44 +0800

Капоэйра урлаг рекламанд 2

Sat, 24 Oct 2009 11:30:16 +0800

Капоэйра урлаг рекламанд

Sat, 24 Oct 2009 11:27:41 +0800

Капоэйран мастерууд өгүүлж байна.|Үргэлжлэл 3|

Sun, 18 Oct 2009 13:33:57 +0800

Акордион: Ангола болон Хэжёонал стилийн талаар ярих нь нарийн төвөгтэй юм. Ингэж хэлэх учир нь, өнөөгийн бидний ангола, хэжёнал гэж дуудаад байгаа зүйл маань, 30 жилийн өмнөх миний харсантай огт адилгүй байгаад юм. Хэжёнал гэвэл Бинбан бий болгосон тэр зүйл хэдий ч, орчин үед тухайн хүн өөр өөрсдийн нүдээр харж, баяжуулан тус тусын замаар явж байна даа.

Камиза: 79 онд япон хүний хооронд болсон нэгэн явдалыг яриач…

Акордион: Хүлээ хүлээ, өнөөдөр тиймэрхүү юм ярих гэж энд ирээгүй юм шүү… Санасанаас бидний үед эмэгтэй капоэйрист байгаагүй юм байна. Тухайн үед капоэйра нь гагцхүү эрчүүдийн “юм” байжээ. Харин одоо үед Америк болон Европод эмэгтэй капоэйристын тоо аажим аажимаар өсөж байна. Энэ нь эсрэгээрээ бразил хүүхнүүдийг зоригжуулах биш үү.

Камиза: Би эргээд Бинбан сургуулийн талаарх яриандаа ормоор байна. Сарын төлбөрийн тухай юм. Гол асуудал нь сургууль байгуулагдсан газар ажилгүйчүүд дүүрэн байсан. Тэд капоэйрад суралцах сонирхолтой байсан ч, төлбөрөө төлөх хүсэлгүй байсан юм. Бинба “ Сонсож бай. Сурмаар байгаа бол яг таг сарын төлбөрөө төл. Мэдээж мөнгөтэй болохын тулд ажил хийх хэрэгтэй. Хэрвээ оюутан бол өөр хэрэг. Ажилгүй залхуу этгээдийг өршөөхгүй ” гэж хэлж байсан юм даа. Түүний зөв байсан юм.

Засгийн газраас ч тэр, захиргааны байгуулагаас ч тэр Бинбад ямар ч дэмжлэг, туслалцаа үзүүлдэггүй байсан. Тэр аж амьдралаа залгуулах үүрэгтэй эр хүн, яахаараа бусдад үнэгүй заах ёстой гэж.

Асордион: Бинбан сургууль, Баия мужийн хүн амын нүүр царай болж байсан. Өөрөөр хэлбэл ихэнх нь негрүүд байлаа. Над мэтийн цагаан арьстангууд тун цөөхөн. Заавал тодорхойлон хэлэх нэг зүйл бол үнэхээр ядуу нь ч олон байсан. Энэ бол Баия мужийн үнэн төрх байлаа. Над мэтийн дунд давхаргийн хэдхэн л хүн байсан даа. Бинбан сургууль гэлтгүй, Пасчинян сургуульд ч мөн адил нөхцөл байдал иймэрхүү байсан.

Камиза: Мэстри Бинба, мэстри Пасчинян аль нь ч тэр Капоэйраг толгойлж байгаагийнхаа хувьд, захиргааны байгуулагаас үзүүлвэл зохих тусламж, дэмжлэгийг авч чадаагүй юм.

Бинба хамгийн анхны Капоэйран сургуулийг Баияд нээсэн. Хэсэг хугацаа өнгөрсөний дараа хятад, японоос дорно зүгийн бие хамгаалах урлаг орж ирсэн юм. Ингээд сурагчдын нэлээд нь дорнын тулааны урлагт татагдаж, капоэйра чирэгдэж эхэлсэн дээ. Эцэст нь Бинба Goias-д |Гоиас-газрын нэр| капоэйра заах урилга хүлээн авсан. Тэр үед Бинба хэдий 70 насыг гарчихсан байсан. 1973 онд намайг гадаадад байхад, Бинба 1 жилийн дараа Баия дахь сургуулиа зараад, Гоиас-д шинэ амьдралыг эхэлүүлэхээр |энэ нь аз туршсан хэрэг байсан ба үүнээс өөр амьдрах аргагүй хэцүү байдалтай байжээ| нүүсэн.

Акордион: Би дахин тэмдэглэн хэлэх зүйл байна. Бразилчууд, өөрсдөд маань байгаа “зүйл”-ээ зүй ёсоор үнэлэх хэрэгтэй байна. Хичээнгүйлэн тунгааж, хэрхэн үнэлэх ёстойг ойлгоогүйгээс, мэстри Бинба, мэстри Пасчиня аль аль нь, өөрсдийн амьдралыг золиослохоос өөр аргагүй болсон гэж боддог. Засгийн газраас огтхон ч анхаарал хандуулаагүй юм. Харин засгийн газрын өмнөөс Капоэйраг авч үлдэхийн төлөө өөрсдийн бүхий л чадлаар тэмцэж байсан юм.

Эцэст нь хэлэх нэг зүйл байна. Би тийм ч их мөнгө хураагаагүй. Овойж оцойтол мөнгө хураасан багш гэж дуулаа ч үгүй. Гэсэн ч яаж ийгээд болгоод л байна. Бинба, Пасчиня үгээгүй ядуу яваар өнгөрсөн. Бид мэтийн гадаадад байгаа капоэйристууд улам эвлэлдэн нэгдэж, бие биеэ хүндэтгэн, харилцан туслалцаж явах ёстой юм. Бас, бид бүгдээрээ нэг л зүйлийн төлөө зүтгэж байгаа гэдгээ ухамсарлан, бүх капоэйристын эв нэгдэлийг эрхэмлэх хэрэгтэй байна.

Капоэйрист найзууд мину

Sat, 17 Oct 2009 19:42:42 +0800